الرواية
الاولى لاحمد مراد , بالمقارنة مع تراب الماس , تراب الماس احلى بكتير
عامل الزمن لعب دور بين الرواية الاولى و التانية في تطور كبير جدا بس
تقريبا حافظ على نفس الاسلوب , طرية الكتابة اللي تصلح لفيلم او مسلسل عربي
النهاية السعيدة المبالغة في التفاؤل و السعادة و ان الخير بينتصر في
النهاية , تبقى طول الرواية حاسس بالواقعية و ان الاحداث دي بتحصل او حصلت
فعلا و اذ فجأة تلاقي النهاية غير كدة خالص , في الروايتين هنا في فيرتيجو
او في تراب الماس .
اول
10 فصول في فيرتيجو , ممكن تحس بملل عدا الفصل الاول في احداث كتير و حلوة
لكن بعد كدة نغوص في بحر العالم دا من عدسة الكاميرا و التعرف على بقية
ابطال القصة و تاريخهم و حكايتهم و طباعهم لكن من غير احداث فعلية او تشد
في اول 10 فصول , و في الحجم بردوا او 10 فصول هما تقريبا نص الرواية و
بعدين تلاقي باقي الفصول ال20 بيجروا هوا , تبدأ من الفصل 11 متقدرش تسيب
الرواية كل حاجة بتحصل و بتحصل بسرعة و بجمال كأنك بتشوفها , التفاصيل
مازلت مميزة في الرواية زي في تراب الماس.
الاسقاطات
اللي موجودة في الرواية على اشخاص , و احداث حصلت فعلا بشكل قريب او بعيد
ممتعة جدا تقرا الاسقاطات و تحاول تربطها بالاشخاص في الواقع و خاصة دلوقتي
بعد ما بقت فضايح الفساد بتاعتهم باينة و واضخة و في كل حتة , و حتة
الصحافة اللي في احضان السلطة و الناس اللي لمعتهم الحكومة عشان يبقوا
كلابها ضد اللي مش عاجباهم من رؤساء تحرير و مقدمي برامج كله بان دلوقتي.
حتة
الراجل الغامض ,و الخاتم بتاعه و انه كان متابعة من اول عمله لغاية
احلامها , كان ممكن الشغل عليها اكتر و كانت ممكن تطلع حاجة حلوة جدا , لكن
انوا ينهيها بسرعة او مش بسرعة بالطريقة اللي نها بيها اللغز دا معجبتنيش
خاصة انه مسألش كتير يا دوب نام و صحى وعادي وكان مفيش حاجة حصلت و نسى انه
قعد معاه و اتكلم معاه و خد منه ورق و مكنش نايم ساعتها و تعدي عادي ؟؟؟
شخصيات
القصة ذات اسقاطات الواقع دى : خالد عسكر , عمرو حامد :) سالي جلال , هشام
حنفي , محيي زنون و غيرهم يمكن ادت الرواية بعد جميل و فكرتني بشغل زمان
قوي الرمز القريب قوي يدوب مغير حرف واحد من الاسم او حايبة على نفس الوزن .
معرفتكش انا كدة :)
اقدر
اقول زي تراب الماس , الرواية طول الاحداث وانا معاها و عجباني جدا لغاية
النهاية التفاؤل زيادة عن اللزوم , النهاية السعيدة اللي تحسسك انك اتفرجت
على فيلم عربي حلو و قفل نهاية كل القصص في الاخر , النهاية كانت تبقى احلى
بكتير لو حبة واقعية مش بسنية البوليس ميلحقهوش او تعدي عليهم و عيش بعد
كدة في تبات و نبات بعد ما كل اللي عايزة حصل و الناس اتسجنت و اتفضحت او
ماتت و هو عادي كدة و مصوراتي بسيط عمل كل دا.
بعد
خلصت الرواية , عرفت انها هتتعمل مسلسل بطولة هند صبري ؟؟؟؟؟؟؟؟؟؟ بطل
الرواية اسمة احمد كمال و بناء الشخصية كلها مبنية على الاساس دا بهدلتة في
الشغل بارات كازينوهات كابريهات , غير علاقتة مع صاحبة عمرو , و قصة حبة
مع غادة , دا غير ادوار البوليسية و المخابرات اللي عايشنا فيها , لكن
واحدة و اللي مات حبيبها , ناس كتييير في الرواية ماتت غادة , عمرو و
بالاخص عم جودة ممكن هيكون ياعملها كابنتة و هو اللي كان بيشتغل بس مش
هتبقى حلوة زي الرواية
و
بعدين هنشوف حتة الرومانسية فين اذا كان حبيبها هو اللي مات , هتبدأ قصة
حب تاني و هي بتدور و تجري و بتشوف تعمل اية ؟؟؟؟ دا غير انه مسلسل 30 حلقة
يعني مش كفاية ان في حتت مط كتير في الرواية هيفردها في مسلسل كل دا ازاي
اساسا على العموم لما يطلع المسلسل هنبقى نشوف بس البداية كدة غير مبشرة ,
ممكن هيحمل نفس الاسم و نفس القصة الكبيرة بس الحتت الصفيرة و علاقة
الاشخاص ببعض هتفرق كتيييير , الشخصية اللي ممكن تستفاد من الوضع دا في رأي
هي اختة المتعلمة اللي اتجوزت دي , لكن في الوضع اللي البلد فيه دلوقتي
مظنش ان كاتب السيناريوا او المخرج هيعتمد على النقطة دي قوي بدل ما يلاقي
الشتايم نازلة عليه من كل حتة :) كالعادة
فكرة
المسلسل زي ما قلت غير مبشرة من الاول و ممكن تضر بالرواية اكتر ما يخدمها
و دا رأي , غير تراب الماس ان الفيلم ممكن يساعدها جامد و مظنش هيبقى فيها
تغيرات محورية , ممكن حاجات بسيطة و نشيل منها حاجات عشان توصل في ساعة و
نص فهتبقى احسن بكتير غير دي .
